Sa funtana de su tempus de sos runaghes de Frades Mareos
Ibia sa funtana de Frades Mareos est sa testimonia de unu logu in ue si pregaiat e, a tempos de tando, in ue adoraian su deus issoro, in sa cussoza de Piaghe.
S’agattat no attesu meda dai sa bidda, in su trettu chi li naran Serras, a cutzu a sos resuzos de su runaghe de Frades Mareos.
Sa funtana s’est cussevada bene, fintzas si l’an postu manu varias boltas in sas partes pius importantes. Est fatta cun contones parinzos e mannos de trachite, at unu passaritzu cun su pamentu a petzas si podet narrer de sa matessi mannaria longu chimbe metros e deghe dai ue s’intrat in s’apusentu tundu covacadu a tolos, in ue b’est sa bena de s’abba.
Su corridore, una bolta, deviat aer sos setzidozos postos in giru a sos muros de fora, e s’abertura dai ue s’intrat a sa cella e chi como est quadra, in anti deviat esser biscuadra.