Presentassione
Como in s’oratoriu de su Rosariu, in Cortile de Cheia, b’at una epposissione de 24 cuadros de sa Cuadreria Ippanu, sos cuadros postos a banda dai custu istudiosu, a poi de totu sos giros suos peri sas cheias e in sos cuvventos de tota sa Sardigna, ma fintzas cumporados o apidos in regalu dai zente comente si toccat de su tempus sou e regalados a sa cheia de Santu Pedru in su 1873: recumando a su chi pro como b’est a sindigu de remonire sos cuadros chi deo apo regaladu in su 1875 a su Municipiu. Ma de pius mi recumando pruite abbaidet chi su retore de Piaghe epat incuru e muntenzat nettos sos cuadros chi deo apo regaladu a sa parrochia dai su 1873 e chi como sun appicados in sa navata de sa cheia e in sagristia. In casu contrariu, chi si los leet su Municipiu, los bendat e totu su chi nd’at a fagher lu impreet pro fagher cosa pro sa popolassione.
Custu documentu est in su Registru de sas Deliberassiones de su Cussizu de su 1878, chi est arribadu in s’Archiviu Istoricu Comunale e currippondet a su testamentu, iscrittu propriu a manu sua e chi aiat dadu a su notariu Bucianu Casti de Cagliari.
Sos cuadros chi s’istudiosu at lassada a sa parrochia de Santu Pedru sun, ducas, una parte de totu su chi at fattu pro tutelare su patrimoniu artisticu de sa terra sarda chi Giuanne Ippanu at istimadu tantu.
In custa parte de epposissione, pruite su pius de sa regolta est remonida in domo de su retore (in tota sa regolta b’at 50 cuadros) bi sun sos pintos chi an pius prestigiu:
- sa Sacra Famiglia , de su Mastru de Otieri, chi benit dai sa cheia de Santu Pedru de Piaghe;
- sos tribaglios chi benin dai sa Donassione Ippanu (Santu Dominigu, unu tribagliu de su 1340–1350 attribuidu a unu pintore no connoschidu; Nostra Segnora cun su Bambinu e Santos de su de 15 seculos, attribuidu a unu pintore Tuscanu; Sas istimatas de Santu Frantziscu de su de 16 seculos, attribuidu a Pedru Cavaru; Nostra Segnora cun su Bambinu, attribuidu a Paul Coecke, chi a Giuanne Ippanu bi l’aiat regaladu Cibrario; S’Adorassione de sos Tres Res de su de 16 seculos, attribuidu a unu pintore de cultura greca; Sos santos Ziromine e Dominigu e Sa Trinidade, ambos duos attribuidos a Frantziscu Pinna; Santu Dominigu de su de 18 seculos, comporadu dai s’Arcivescovo Maronzu; Retratu de unu nobile, de su de 19 seculos, attribuidu a unu pintore no connoschidu; S’Isgravamentu, de su de 17 seculos, attribuidu a unu pintore no connoschidu; S’Incoronassione de sa Vizine, de su de 18 seculos, attribuidu a Giacomo Altomonte);
- sos cuadros chi sun istadas sos primos de sa Pinacoteca de Piaghe e chi at leadu in Cagliari in su 1874 su retore Demurtas pro fagher un’epposissione in s’apusentu mannu de su Palatu Retorale (Santa Caterina de Alessandria, Sa Cuntzessione, Sant’Avara e Sant’Agnese, attribuidos a su Mastru de su Capitulu; Cristu in sa Culunna, Ecce Homo, Sa Vizine Assunta e Santu Ziromine, attribuidos a pintores no connoschidos);
- e sos cuadros chi no s’ischit dai ue benin (Santu Sebustianu curadu dai sos anghelos, de su de 17 seculos, attribuidu a unu pintore no connoschidu; Santu Bernardu de Offida, de su de 19 seculos, attribuidu a unu pintore no connoschidu; Nostra Segnora de sa Misericordia, de su de 17 seculos, attribuida a Baccio Gorini; su Retratu de Giuanne Ippanu, de su de XIX seculos, attribuidu a Emiliu Scherer).