Su Bulletino
In su 1855 leat a fagher istampare dai busciaca sua in sa Tipografia Timon de Cagliari su Bullettino Archeologico Sardo (una regolta de sos monumentos antigos de tota s’isola de Sardigna) cumpare cun sa bessida de sas Cartas de Arborea. S’opera si frimmat in su 1864 pruite aiat pagos fitianos pruite su calonigu aiat devidu fagher fronte a ippesas mannas diaberu: 500 francos s’annu. Sun deghe liberos, in totu de pius a mancu duamiza paginas, 540 articulos, e dei custos 398 giughen sa frimma de Ippanu, 5 sun chena frimma e 142 sun frimmados dai amigos e dai zente chi currippondet cun su calonigu de Piaghe, e sun bessidos in d unu tempus chi andat dai su 1855 a su 1864. At leadu a tribagliare cumpare cun istudiosos italianos e sardos: Pedru Martine, su conte Alberto della Marmora (comissariu de su re pro sa Sardigna), Ignatziu Pilliro (anticuariu), François Bourgade (Capellanu de sa Capella Imperiale de Santu Luisi de Cartagine), Sevadore Cossu (retore de Piaghe), Micheli Amari (ministru de s’Istrussione pubblica in su 1863), su conte Carlo Baudi di Vesme e atteros meda. Meda fin fintzas sos de fora de regnu chi currippondian cun issu e in mesu a issos M. A. Levy (su barone de Maaltzan chi at visitadu sa Sardigna in su 1868) e G. Henzen (segretariu generale de su Istitutu Archeologicu de Roma).