SOS CAMINOS
SU CAMINU DE SANTU MATTEU est su primu trettu de via Brigata Sassari.
S’ISTRADONEDDU NOU est su de duos trettos de via Brigata Sassari.
SA PITERACA est su de tres trettos de via Brigata Sassari.
SA BUCCA DE LAREDU est s’intrada, su puntu in ue naschet su caminu de Laredu, est a narrer sa falada de Laredu. A die de oe su logu nodidu est su puntu in ue b’est s’ultima domo de via Trieste a s’ala de via Laredu (abbaida sa planimetria).
SA PIGADA DE DOMO MAIORE est sa pigada o iscala de Domaiore (comente logu nodidu: dai sa bessida de via Piave leat sa carrela chi lompet a sa funtana de Domaiore. Abbaida sa planimetria).
SU CAMINU A DOMO MAIORE fit sa carrela chi passende in su chi oe est su bicu de via Biddanoa (comente logu nodidu: lavanderia Apollo de via Roma) e ruiende tota in via Piave, torraiat a sa Pigada de Domo Maiore e sighiat, ducas, fintzas a Domo Maiore. Custa carrela fit importante meda pruite auniat sa cussoza de Laredu o Lauretu cun sa bidda e cun sa cussoza de Domo Maiore (abbaida sa planimetria).
SU CAMINU A DOMO MAIORE fit sa carrela chi andaiat dai su Chirriu de Santu Matteu a Domo Maiore (comente logu nodidu: dai sa bessida de su primu trettu de via Brigata Sassari o su caminu de Santu Matteu ruiaiat sa via Domaiore de oe e faghiat a pare cun sa Pigada de Domo Maiore. Abbaida sa planimetria).
SA BUCCA DE PALAS DE MONTE fit s’intrada, su puntu in ue naschiat su caminu de Palas de Monte. A die de oe su logu nodidu est sa parte de territoriu in ue b’est sa prima domo de via Palas de Monte (abbaida sa Planimetria).
· SU CAMINU DE PALAS DE MONTE est via Palas de Monte de oe.
