TANCADA
Legende sos pabilos remonidos in s’archiviu istoricu, si comintzat a bider unu cambiamentu in su nomene de sas carrelas. Giŕ est beru chi, cando an fattu su Regnu Sardu Piemontesu e cando est naschidu su catrastu de sos abitados, an fattu sas mappas de sos abitados e, in su matessi tempus, pro lomper a i custu, lis an postu ingarrigu a sos comunes de dare sos nomenes a sas carrelas e sos numeros a sas domos. In custa manera nde sun bessidas a pizu Strada Lunga (Carrela Longa), Costa Palata (Corte de Palatu), Piazza Olmi (Sos Ulimos), dai poi Piazza de Castro, via Vittorio Emanuele (s’Istradone), a poi Corso Giovanni Spano, via Lodč, calchi ses carrelas chi si naraian San Matteo, chimbe via Villanova (Bidda noa), duas via Diana (Domos Noas).
A poi, dai su 1912, an leadu a inditulade sas carrelas a omines illustres comente Lamarmora, Mannu, Martii, Siotto, ibia pro nde fentomare calcunu.
Sa bidda nostra at apidu unu tempus, partende dai su Chimbanta, chi s’est isterrida meda, cando sun naschidas zonas noas a s’ala de Laredu, sa Codina, Palas de Monte, su Cantaru, Regione Piredu, Santu Sebustianu, s’Iscalone, e chi at sighidu a die de oe.